ھەجەرنىڭ ئۈمىدى

سىزنىڭمۇ ھەجەرگە ئوخشاش خورلانغان ۋاقتىڭىز بولغانمۇ؟ بەلكىم سىز ھازىر ھاياتىڭىزدا ناھايىتى قىيىن ۋاقىتلارنى بېشىڭىزدىن ئوتكۈزىۋاتقان بولىشىڭىز مۇمكىن. ھەجەر شۇ خورلانغان ۋاقىتلاردا چوقۇم،”خۇدا مېنىڭ ئازاپلىرىمنى كۆرىۋاتامدۇ، –  دەپ سورىغان، بەلكىم سىزمۇ شۇ  سوئالنى سوراۋاتقان بولىشىڭىز مۇمكىن. ھەجەر ئۆز يۇرتىدىن ئايرىلغان بىر خىزمەتكار، ئۇ قايتىلاپ ئارقا-ئارقىدىن خورلۇققا ئۇچرىدى، ھەمدە يىراقلارغا قوغلاندى. بىراق ھەر قېتىم ئۇ قوغلىنىپ خورلۇققا ئۇچرىغان ۋاقىتتا، خۇدا ئۇنى كۆردى ۋە ئۆزىنى ئۇنىڭغا نامايەن قىلدى. مۇقەددەس كىتاب مۇنداق دەيدۇ: – پەرىشتىنىڭ سۈرىتىدە كۆرۈنگەن پەرۋەردىگار ھەجەرنى چۆلدىكى بىر بۇلاقنىڭ يېنىدا كۆردى – . خۇدانىڭ پەرىشتىسى ھەجەرگە سۆز قىلغاندىن كېيىن، ھەجەر ئۆز-ئۆزىگە: – مەن راستتىنلا ماڭا غەمخورلۇق قىلغان خۇدانى كۆردۈم! – دېدى، ھەم ئۆزىگە سۆز قىلغان خۇدانى: – مېنى كۆرگۈچى خۇدا – دەپ ئاتىدى. ھەجەر چۆلدە، ئۆزى يالغۇز،  ئازاپ ئىچىدە ئۈمىدسىز  قالغاندا خۇدا ئۇنى كۆردى.  خۇدا سىز ۋە مېنىڭ ئازاپلىرىمىزنى كۆرگۈچىدۇر. ئۇ بىزنى كۆرىدىغان ۋە بىزگە غەمخورلۇق قىلىدىغان خۇدادۇر.