ئەيسا ئەلەيھىسالامنىڭ ئېتىقادى

سىز باشقىلارنىڭ رەزىللىكى تۈپەيلىدىن زىيانكەشلىككە ئۇچراپ، ئازاپتا قالغاندەك ھېس قىلامسىز؟ بىز ناھەقچىلىققا ئۇچرىغاندا ، ئادەتتە ئوخشاش بولمىغان ئىنكاس قايتۇرىمىز. بىر بولسا ئۈمىدسىزلىنىپ بەل قويىۋىتىمىز، ياكى زوراۋانلىق ئىچىدە قايتا ھۇجۇمغا ئۆتىمىز. بىراق بۇنىڭدىن باشقا ئۇسۇل بارمۇ؟ بىز مۇقەددەس ئىنجىلغا قارايدىغان بولساق، مەسىھ ئەيسانىڭ بېشىدىن ئۆتكۈزگەن نۇرغۇن ئازابلىق كەچۈرمۈشلىرىنى كۆرەلەيمىز. سىز رەب ئەيسانىڭ زەيتۇن تېغىدىكى باغچىدا قىلغان دۇئاسىنى ئاڭلىدىڭىز. ئۇ ھەجەرگە ئوخشاش يالغۇزلۇق ھېس قىلدى، يۈسۈپ پەيغەمبەرگە ئوخشاش ئەڭ يېقىن ئادەملىرى تەرىپىدىن ساتقۇنلۇققا ئۇچرىدى، رىم ئىمپىرىيىسىنىڭ ھۆكۈمرانلىقى ئاستىدىكى شۇ زېمىندا دانىيال پەيغەمبەرگە ئوخشاش سەمىمىي ۋە ساداقەتمەنلىك بىلەن ياشىدى

ئەيسا مەسىھنىڭ زامانىدا نۇرغۇن يۇرتداشلىرى قولىغا قورال ئېلىپ، رىم ئىمپىرىيەسىگە قارشى ئىسيان كوتەرگەن بولسا، يەنە بەزىلىرى شۇ ئىمپىرىيەگە بويسۇنۇپ ، ئۇلارغا ماسلىشىشنى تاللىدى. ئەيسا مەسىھ بولسا ئوخشىمىغان يەنە بىر يولنى تەشەببۇس قىلدى. ئۇ باشقىلارغا مىھرى-مۇھەببەتلىك بولۇپ، دۈشمەنلىرىنى كەچۈرۈم قىلىش توغرىلىق تەلىم بەردى. قارغۇ تىلەمچى بارتىمايغا ئوخشاش
كىشىلەرنى ساقايتتى. بۇنىڭ بىلەن ئۇنىڭ ئالاھىدە ھاياتى ۋە تەلىمى سەۋەبىدىن شۇ ۋاقىتتىكى ھۆكۈمدارلار ئۇنىڭغا قارشى چىقىپ، ئۇنى تۇتۇپ ئۆلتۈرمەكچى بولۇشتى. ئەڭ ئاخىرقى ئازاپلىق مىنۇتلاردا، ئەيسا مەسىھ ‘مېنىڭ ئەمەس، سېنىڭ ئىرادەڭ ئەمەلگە ئاشسۇن’ دەپ دۇئا قىلدى. ھەزرىتى ئەيسانى كۈتىۋاتقىنى ئازاپ-ئوقۇبەتلىك قىيناشلار ۋە كرېستتىكى ئۆلۈم بولسۇن، ئۇ يەنىلا پەرۋەردىگارنىڭ ئىرادىسىگە بويسۇنۇشنى تاللىدى. ئۇ پەرۋەردىگارنىڭ ئۇنىڭ ئۆلىمى ۋە ئۆلۈمدىن تىرىلىشى ئارقىلىق رەزىللىك ئۈستىدىن غەلبە قىلىش پىلانىنىڭ ئەمەلگە ئاشىدىغانلىغىغا قەتئىي ئىشەندى